الولد كان اصله شاعر

مقدمة

كان فيه زمان راجل طيب ، صحيح مش غنى لكن عنده أحلام

يكبر ولادة و ويربيهم و يعلمهم أحسن علام

يربيهم على الصدق و الأمانة مهما الكل لام

ولأنه راجل طيب ولربه قريب طلعت الحقيقة أجمل من الأحلام

وكبر الولاد وكبر فـ عنيهم الأب اللي تعب وربى وسهر الأيام

لكن بين الولاد كان فيه ولد تقولش هو الراجل بتاع الأحلام

أصل لما تبص في عينية تشوف المشاعر اللي أحلى من أي كلام

وفـ مرة قعد مع نفسةومسك كراسته لقي نفسه بيكتب الأيام

الأيام اللي عاشها جواه ومحدش عاشها معاه ولا حتى بالكلام

ولما تقرا اللي كتبة ماتعرفش هوبيقول شعر ولا بيرسم الأيام

وفضلت محتار لحد موقعت فايدى الأيام ،وقتها عرفت إن الولد مش بتاع أوهام

أصل عرفت إن الولد كان أصلة شاعر وأقرا معايا أحسن تفكرنى بتاع كلام

عم يوسف

1/11/2007

الولد كان أصلة شاعر

الولد كان أصلة شاعر وبحنانة الكل شاعر

من عينية بيبان علية لو مرة يزعل أو يخاصم كان يسامح بس فاكر

كانت مشاعره زى دنيا عايشه فرح فـ كل ثانية فيها ألف وألف خاطر

فيها ضحكة فيها رقة فيها بسمة فيها دمعة فيها حزن و فيها شاعر

الولد كان أصلة شاعر

قلبه كان بجد طيب بس كان بيخاف كتير

أصل قلبه ياما قاسى من حبايبه شاف معاهم حزنه الكبير

حب مرة و مرة حب و من عيونه الدمع صب الكاس فضي وملاه بدمعه كتير كتير

كان بيدلهم أمانهم كانوا يخونوا كان في حبهم يصونهم ولا مرة كان يهونوا

ياما داوى ياما طيب ياما سامح كان حنين وكان تملى تضحك عيونه

مالولد كان أصلة شاعر

الولد شاف الفراشة وجناحتها وبجمالها قلبه اتخطف

حب يفرح راح ورآها منه هربت طار معاها حبيته قلبه ارتجف

خد بايدها مدت ايديها شاف عيونها اتنفض و اترعش أصله خايف

فجأة بعد ما طار لفوق ايدة سابت وحده أصبح وسط الهوا و الحزن شايف

و الولد كان أصلة شاعر

الولد قال لقلبه ننسى إن فيه معانا حد ممكن يبقى لينا

قلبه قاله مش ها تقدر قاله هقدر قاله لأ ده شئ يا صاحبي من زمان مكتوب علينا

شاف وردة عجبتة شدها شدته حبها وبكل قلبه ومن طيبته كان فاكرها حبته

قالها انه كان حالف بقلبه ع الهوا بس لما شاف عيونها قلبه سلم وفـ ثواني انكوى

لما ايدية لمست ايديها قلبه رفرف مـ السعادة من عيونه كان بيضحك ع الزمان

كان ياعينى لسه فاكر إن حبه اللي قلبه هو قلبه يوم هايديله الأمان

قلبه طيب يعمل إيه كان يا عيني يسهر لوحده و فـ منامة بينادية

قالوا ليه يابنى حاسب من عيونه بان علية انه مش عايزك وانه وخدك لعبة ليه

قالهم ولا مرة هسمع حد منكم أنا قلبي خلاص فتحته عند قلبه وهشتريه

مهما هاتقولوا بعيونكم مش راح ارضي عن كلامكم أصل روحي عايشه فيه

الولد كان أصلة شاعر

عاش معاها شاف حياته كترت آهاته من عيونه دمعه سال

وابتدى يحكى لعنيها يشتكيها هي تسمع له كلامه و تقوله ده انت الآمال

كان يصدق ليها يضحك و بعنيها برضة تضحك أصل هيه كانت في عينة أحلى آية في الجمال

ساب مشاعره معاها تاخده وابتدى يغرق بجد في حبها و يبنى في عنيها الخيال

لما حست انه ليها ابتدى يعشق و بادل حبها جوه قلبو وابتدى ليها يميل

ابتدت تكبر علية و طنشة و تشيل عبيرها تبدله وتحط قدامه السموم

و ابتدى يجى يقولى آية اللي حصل أنا كنت فاكر انى لما أحبها مش هشوف هموم

قولت له ارجع إليها و اشتكلها وانت جوه حلم قلبك ابعت لها وتانى ناديلها

و ابتدى يغرق ياعينى في همومه صبح ضهر عصر مغرب حتى ليله كله حزن يعدي يومه

وابتدى ينسى الكلام وبعيونه يرمى السلام واقلوه يابنى بس قولي انت مالك

كان يبص بس عليا و ما يردش أي كلام و اقوم اهزة عينة تبكى إيه جرالك

الولد ده هو انا هو نفسي هو شخصي طيب ضعيف حب وردة وبريحيتها تخنقه

ادتلها كل مشاعري كل عمري كل فرحى خدت منها كل جرحى كل حزني بترسمه

الوردة قفلت ورقها نامت والشوك ابتدى يصحى يبان لي يجرح ف قلبي يقتله

الوردة خدتنى بشوكها مـ الأحلام و الهيام للأوهام وباعت قلبي نسيته حدفتة

حتى نسيمها ابتدى يخنق جيرانها بعدوا عنها جم لقلبي قلبي قالي دول حبايبك

قالوا مالك قلت منها كنت خايف كنت بعشق ومش هوصل كنت عارف بس خايف

قدامى كانت ليلى و انا كنت قيسها بس كان يبقى بيني وبينها قدامكوا لأ

وكأنها كلها هي كرامة وانا قلبي أصله جزمه يبقى ابعد عنها لازم ولا ما يبقاش لقلبي أي حق

لو حبيبي اصرخ قول انطق فجر طاقاتك كله عارف وانت خايف يبقى انسي

تانى هاتجرح تانى بتحرق قلب حبك قلب عايزك قلب ليله نهاره دايب كل عمرة فيك

قلب لو عديت سنينك طول حياتك كل عمرك ما تلاقيه قلب مهما فيه تعذب يشتريك

ايوة بحبك ايوة حقك لو غلط اعتذرلك بس لو غلط يبقى حق قلبي عندك انه برضة يوم يحاسبك

يا حبيبي الحب كله ليك يكون بس على قلبي يوم ما تكبر يبقى ايه بينا ها يفضل لما تكبر عليه

كبريائك هايضيعك اعتذر لو يوم غلطت اعتذارك مش هايموتك إنما قلبي انا خلاص اختار السكات

سألته يا قلبي مالك قلى مات قلتله ايه اللي مات قالي احساسى كل ناسي كل عمري كل فكرى

قولتلة انسي قال لي خلاص قلبي مات و اختار السكات

قلبي اختار السكات و مات .. مات .. مات

يوسف نور

الجمعة: 20/4/2001